कतारमा कोरोना संक्रमण घट्दै, आजदेखि रेस्टुरेन्ट पनि खुल्ने
  • SNN Nepal

  • दोहा । रोजगारीका लागि नेपाली श्रमिकहरुको प्रमुख गन्तब्य रहेको कतारमा कोरोना संक्रमण घट्दै गएपछि कतार सरकारले विभिन्न क्षेत्रमा लगाएको प्रतिवन्धलाई आजबाट क्रमशस् हटाउँदै लैजाने भएको छ ।

    बुधबार साँझ बसेको मन्त्रिपरिषद्को बैठकले पहिलो चरणमा कोरोनाको दुवै खोप ९भ्याक्सिन० लगाएका व्यक्तिलाई केही खुल्ला गरेको जनाएको छ ।

    मन्त्रिपरिषद्को निर्णय अनुसार रेस्टुरेन्टमा भित्र र बाहिर गरी ३० प्रतिशत क्षमतामा सञ्चालन गर्न पाइने, यसैगरी हेल्थ क्लब, फिटनेस सेन्टर, स्पा, पार्लर, सैलुन, सिनेमा लगायतमा कोरोना खोप दुवै डोज लगाएकाले प्रवेश पाउने जनाएको छ ।

    पुस्तकालय तथा ड्राइभिङ स्कुलहरू ३० प्रतिशत क्षमतामा खोली सञ्चालन गर्न पाइनेछ । साथै व्यक्तिगत डुङ्गामा १५ जनासम्म चढ्न पाइने छ भने, खुला क्षेत्रमा १० जनासम्म भेला हुन् पाउने छन् ।

    पछिल्लो २४ घण्टामा थप २८६ जना नयाँ संक्रमित थपिएका छन्। योसंगै कतारमा कोरोना सङ्क्रमितको संख्या २ लाख १६ हजार ६८३ पुगेको कतारको स्वास्थ्य मन्त्रालयले जनाएको छ ।

    यस्तै पछिल्लो २४ घण्टामै थप १५२ जना संक्रमण मुक्त भएका छन् । योसँगै कतारमा कोरोनाबाट निको हुनेको सङ्ख्या २ लाख १२ हजार ४८ पुगेको छ भने संक्रमणबाट अहिलेसम्म ५५२ जानको मृत्यु भएको मन्त्रालयले जनाएको छ ।

    अहिले कतारमा ४ हजार ८३ वटा ‘एक्टिभ’ केस रहेका छन् भने २३६ जना यहाँको विभिन्न अस्पतालहरुमा उपचार गराईरहेका छन् । तीमध्ये १४७ जनाको आईसीयूमा उपचार भैरहेको छ । कतारले सुरुवाती दिनदेखि नै संक्रमितको राष्ट्रियतबारे खुलाएको छैन् । अहिलेसम्म कोरोनाबाट कतारमा २४ नेपाली श्रमिकले ज्यान यहाँस्थित नेपाली दूतावासले जनाएको छ ।

    यो समाचार तयार पार्दासम्म २४ लाख ४० हजार ९३० जनाले कोरोना बिरुद्धको खोप लगाईसकेको मन्त्रालयले जनाएको छ । कतारी नागरिक सहित आप्रवासी श्रमिकहरुलाई पनि निशुल्क रुपमा खोप दिइरहेको छ ।

  • १४ जेष्ठ २०७८, शुक्रबार प्रकाशित

  • Nabintech
    सम्बन्धित
    images