उदय शमशेरद्वारा बज्रबाराही अस्पताललाई २ वटा भेन्टिलेटर सहयोग
  • SNN Nepal

  • काठमाडौं । नेपाली कांग्रेस नेता उदयशमशेर राणाले ललितपुरको बज्रबाराही अस्पताललाई २ वटा भेन्टिलेटर सहयोग गरेका छन् ।

    कोरोना संक्रमणलाई मध्यनजर गर्दै राणाले नेपाल भेन्टिलेटर सर्भिससँग समन्वय गरी ललितपुरको गोदावरी नगरपालिकामार्फत बज्रबाराही अस्पताललाई दुई वटा भेन्टिलेटर सहयोग गरेका हुन् ।

    बिहीबार राणाले एक कार्यक्रमकाबीच भेन्टिलेटर नगरपालिकाका मेयर गजेन्द्र महर्जनमार्फत वितरण गरेका हुन् ।

    दोस्रो चरणको कोभिडको महामारी सुरु भएपछि अस्पताललाई सक्रिय र बलियो बनाउन गरेको छलफल स्वरुप विभिन्न स्वास्थ्य उपकरण सहयोग गर्दै आएको राणाले बताए ।

    ‘सहरमा मात्रै नभइ सहरभन्दा बाहिर पनि कोरोना फैलिएकोले स्वास्थ्यको जोखिम ख्याल गर्दै भेन्टिलेटर बज्रबाराही अस्पताललाई उपलब्ध गराइएको हो,’ उनले भने ।

    उक्त भेन्टिलेटर बज्रवाराही चापागाउँ अस्पतालले आजैदेखि प्रयोगमा ल्याउने बताएको छ । कोरोना संक्रमितको संख्या बढेसँगै अक्सिजन, आइसियू तथा भेन्टिलेटरको अभावमा संक्रमितको ज्यान गइरहेको अवस्थामा भेन्टिलेटर सञ्चालनमा आएपछि नागरिकको जीवन रक्षामा मद्धत पुग्ने अस्पतालको विश्वास छ ।

  • २० जेष्ठ २०७८, बिहीबार प्रकाशित

  • Nabintech
    सम्बन्धित
    images