गर्मीमा घामबाट छालालाई यसरी जोगाउनुहोस्
  • SNN Nepal

  • गर्मी याममा घामले छाला डढ्नु अर्थात् सन बर्न हुनु सामान्य हो । यस्तोमा अहिलेको गर्मी मौसममा घामबाट छाला जोगाउनु निकै चुनौती हुन्छ ।

    यी हुन् घामले छाला डढ्दाका (सन बर्न) लक्षण
    – छाला रातो हुनु
    – छुदा पोल्नु
    – फोका उठ्नु
    – छालामा पीडा असहनीय हुनु
    – ज्वरो आउनु, वाकवाकी लाग्नु

    घामले छाला डढेको देखिन केही घण्टा लाग्दछ । यस पूर्ण असर देखिन २४ घन्टासम्म लाग्न सक्छ । सामान्यतः यी लक्षण अस्थायी हुन्छन् । तर त्यसको तुलनामा छालामा भएको क्षति भने स्थायी हुन्छ र छालाको क्यान्सरजस्ता गम्भीर दीर्घकालीन असर समेत निम्त्याउन सक्छ ।

    बच्ने उपाय
    – घामबाट छाला जोगाउन घर बाहिर निस्कने बेला सन ब्लक क्रिम लगाउनु पर्दछ ।
    – सन बर्नबाट जोगिन गर्मी याममा घरबाहिर निस्किनु पर्दा प्रशस्त पानी खाने गर्नु पर्दछ ।
    – यो मौसममा अनिवार्य छाता ओढ्ने वा टोपी पहिरिने गर्नु पर्दछ ।
    – कतै बाहिर निस्किनु परे पुरै हातखुट्टा छोप्ने लुगा लगाउनु पर्दछ ।
    – यो मौसममा बाहिर निस्कनु परे सन ग्लास लगाउन भुल्नु हुन्न ।

    हुनत हाम्रो शरीरले प्राकृतिक रूपमै म्यालेनिन तत्व उत्पन्न गर्ने गर्छ, जसले घामको दुष्प्रभावबाट जोगाउँछ । तर अति भएपछि त्यसले पनि थेग्न सक्दैन ।

    मानव शरीरको छालाको रंगका लागि म्यालेनिन नै जिम्मेवार हुन्छ । छालाको रंग गाढा हुनु घामबाट जोगिने एउटा प्राकृतिक उपाय हो ।

    गोरो छाला भएकाहरूमा म्यालेनिन कम हुन्छ र सन बर्नबाट उनीहरू नै बढी पीडित हुने सम्भावना हुन्छ ।

  • २५ जेष्ठ २०७८, मंगलवार प्रकाशित

  • Nabintech
    साताकाे चर्चित
    सम्बन्धित
    images