२ हजार रुपैयाँ जरिवाना तिरेर छुटे गणेश लामा
  • SNN Nepal

  • काठमाडौँ । कोरोना महामारीका कारण जारी निषेधाज्ञा उल्लंघन गरेको आरोपमा पक्राउ परेका गणेश लामा रिहा भएका छन् ।

    जिल्ला प्रशासन कार्यालय कास्कीले उनलाई २ हजार रुपैयाँ जरिवाना लिएर लिएर छाडेको हो ।

    जिल्ला प्रशासन कार्यालय कास्कीका सहायक प्रमुख जिल्ला अधिकारी कृष्णचन्द्र पौडेलले भने, ‘लामाले निषेधाज्ञा उल्लंघन गरेको आरोपमा प्रहरीले विहीबार पक्राउ गरी आज जिल्ला प्रशान कार्यालयमा उपस्थित गराएको थियो, हामीले सामान्य जरिवाना (२ हजार रुपैयाँ) मा छाडेका छौँ ।’

    उनलाई कोभिड–१९ संकट व्यवस्थापन सम्बन्धमा व्यवस्था गर्न बनेको अध्यादेश अनुसार सामान्य कारबाही गरिएको हो । प्रहरीले उनलाई बिहीबार लेकसाइडको एक होटलबाट पक्राउ गरेको थियो ।

    प्रहरीका अनुसार गण्डकी प्रदेशका मुख्यमन्त्री पृथ्वीसुब्बा गुरुङले विश्वासको मत लिइरहेका बेला लामा दीपक मनाङेलाई भेट्न पोखरा पुगेका थिए ।

    नेपाली कांग्रेसले भने बिना कारण लामालाई प्रक्राउ गरिएको र सुनियोजित रुपमा फसाउन खोजिएको भन्दै विरोध जनाएको छ ।

  • २८ जेष्ठ २०७८, शुक्रबार प्रकाशित

  • Nabintech
    साताकाे चर्चित
    सम्बन्धित
    images