समयमै सुरुङ बन्द गर्दा दुर्घटनाबाट बच्यो मेलम्ची आयोजना ८ जना कामदार अझै बेपत्ता
  • SNN Nepal

  • काठमाडौँ।मेलम्ची आयोजनाले सुरुङभित्र प्राविधिक परीक्षणका लागि लागि मंगलबार बिहान ११ बजे सुरुङको गेट बन्द गर्‍यो ।

    त्यससँगै सुन्दरीजलबाट पानी खाली गर्ने काम शुरु गर्‍यो ।

    साँझतिर मेलम्ची खोलाको मुहान भेगमा ठूलो पहिरो गयो र केही बेर खोला थुनिन पुग्यो ।

    आयोजना क्षेत्र बाढी पस्यो र मानवीय, पूर्वाधार एवम् धनजनको क्षति समेत हुन पुग्यो ।

    प्रकोपले आयोजनाको क्याम्पहरु, उपकरण, निर्माण सामग्री, पहुँच सडक तथा पुलहरु बगाएको मेलम्ची खानेपानी विकास समितिले जनाएको छ ।

    समितिले बुधवार साँझ विज्ञप्ति जारी गर्दै आयोजनाको मुख्य सुरुङ यथास्थितिमा रहेकाले मुख्य सुरुङ तथा पानी प्रशोधन केन्द्रमा कुनै गम्भीर क्षति भने नभएको बताएको छ ।

    समितिका प्रवक्ता राजेन्द्र पन्तकाअनुसार हेडबक्स नजिकै क्याम्प साईट बाढीले बगाएपछि रातिदेखि नै प्रहरी प्रशासन, नेपाली सेना, सशस्त्र प्रहरी र स्थानीयको खोजी समेत भइरहेको छ ।

    बुधवार बिहान हेल्किप्टरमार्फत उद्धार गरिएका ७६ जनाको काठमाडौँ र धुलिखेलमा उपचार भइरहेको छ ।

    ‘आयोजनासँग सम्बन्धित ८ जना ९३ चिनियाँ, ३ भारतीय, र २ जना नेपाली० नागरिक अझैं पनि सम्पर्कविहीन अवस्थामा छन्’ उनले भने, ‘उनीहरुको खोजी जारी छ ।

    उनकाअनुसार सो क्षेत्रमा पानीको सतह बढिरहेको छ । बाढीसँगै आएको लेदोले पुरै जमिन छोपेको छ ।

    ‘पानीको सतह कम भएपछि वास्तविक क्षति कति भएको छ भन्ने विवरण निकाल्नेछौं’ उनले भने ।

  • ३ असार २०७८, बिहीबार प्रकाशित

  • Nabintech
    साताकाे चर्चित
    सम्बन्धित
    images