अफिसमा काम गर्दा आफूलाई यसरी राख्नूस फिट्नेस
  • SNN Nepal

  • काठमाडौं । महिलाहरु व्यस्तताको कारण विभिन्न स्वास्थ्य समस्याको सामना गर्दे आइरहेका छन् । उनीहरु घरबाट बहिर अफिसमा होस् वा विभिन्न व्यवसायहरुमा काम गरिरहेका हुन्छन् ।

    काममा व्यस्त हुँदा महिलाहरु स्वास्थ्यको ख्याल राख्ने काममा ध्यान पुर्‍याउन सकिरहेका हुँदैनन् । कतिपय महिलामा मोटोपनको समस्या देखिएको छ ।

    आफूलाई फिट र स्वस्थ राख्नको लागि विभिन्न उपायहरु छन् । तलका उपायलाई दैनिक दिनचर्याका रुपमा आफैले प्रयोग गर्न सकिन्छ । विज्ञहरुले स्वास्थ्यको स्याहारका लागि निम्न टिप्सहरु दिएका छन्

    यदि तपाइँको अफिस माथिल्लो तल्लामा छ भने त्यहाँ जानको लागि लिफ्टको प्रयोग नगरी सिँढी चढेर जानु उत्तम हुन्छ यसले तपाइँको फिटनेस कायमै रहन्छ ।
    अत्याधिक मात्रामा पानी पिउनु पर्छ । काम गर्दा धेरै व्यक्तिहरु चिया(कफि वा चिसो पेय पदार्थ लिने गर्दछन् यसले शरीरलाई हानी गर्दछ । कम्तिमा दिनभर १० गिलास पानी पिउनुपर्छ यसले शरीरमा पानीको मात्रा पुरा गर्दछ । मौसम अनुसार फलफूलको रसहरु पनि लिन सकिन्छ ।

    सामान्यतया अफिसमा कम्प्युटरमा काम गर्दा एकै ठाँउमा लामो समयसम्म बसिरहनु हुँदैन। बेला(बेलामा कुर्सीबाट उठ्नुहोस र हिँड्नुहोस । अफिसमा अर्को सेक्सनमा बस्ने व्यक्तिलाई कल गर्न पठाउनुको सट्टा आफै जानुहोस र कुरा गर्नुहोस । यसले तपाइँ हिँड्न सक्षम हुनुहुनेछ र स्वास्थ्यको लागि पनि फाइदा हुनेछ ।
    कतिपय मानिस काममा व्यस्त हुन्छन् । उनीहरुले खानेकुरामा ध्यान दिँदैनन् । खानामा भारी खाना लिनुभन्दा सन्तुलित भोजन लिनु राम्रो हुन्छ । मसलादर खानाको सट्टा आफुलाई प्रोटिन, भिटामिन, कार्बोहाइड्रेट र फाइबरयुक्त खानुपर्दछ । खाजामा रोटी, तरकारी, दही, सलाद आदि लिँदा स्वास्थ्यलाई फाइदा हुन्छ । अफिसमा काम गर्दा भोक लागेको अवस्थामा बदाम, पपकर्न, ड्राईफुड जस्ता खाने कुरा खाँदा राम्रो हुन्छ । घरमा होस वा अफिसमा केही समय छुट्याएर आफुलाई फिट राखेर स्वास्थ्यको हेरचाह गर्न सकिन्छ ।

  • ८ असार २०७८, मंगलवार प्रकाशित

  • Nabintech
    साताकाे चर्चित
    सम्बन्धित
    images