नेपालीलाई २१ जुलाइसम्म यूएई प्रवेशमा प्रतिबन्ध, खोप लगाएकालाई छैन रोकतोक
  • SNN Nepal

  • काठमाडौं । नेपाली कामदारहरुको प्रमुख गन्तब्य रहेको संयुक्त अरब इमिरेट्स (यूएई)ले नेपालमा कोरोना संक्रमणको कारण देखाउँदै नेपाली नागरिकलाई आफ्नो देश प्रवेशमा लगाएको समयअवधि थपेको छ ।

    नेपालसहित १३ देशका नागरिकलाई २१ जुलाइसम्म प्रतिबन्ध यथावत राखिएको यूएईको नागरिक उड्डयन प्राधिकरणले जनाएको छ ।

    प्राधिकरण अनुसार नेपालसहित भारत,लाइबेरिया, नामिबिया, सिएरा लिओन, गणतान्त्रिक कंगो, युगान्डा, जाम्बिया, भियतनाम, पाकिस्तान, बङ्गलादेश, श्रीलंका, नाइजेरिया र दक्षिण अफ्रिकाको प्रतिबन्ध यथावत राखिएको जनाएको छ ।

    कार्गो उडानका साथै व्यवसाय र चार्टर उडानहरूलाई प्रतिबन्धबाट छुट दिइने जनाएको छ । यसअघि यूएईले नेपाली नागरिकलाई ७ जुलाइ सम्मलाई देश प्रवेशमा रोक लगाएको भए पनि अहिले जुलाई २१ सम्म बढाइएको छ ।

    यूएईको यो नयाँ निर्णयसंगै त्यहाँबाट घर बिदामा नेपाल गएका कामदारहरुलाई भने थप समस्या हुने देखिएको छ । यूएई यसरी नेपाली नागरिक माथि लगाएको प्रतिबन्ध थपदै गए हजारौं नेपालीहरुको रोजगारी गुम्ने खतरा छ ।

    यूएई–नेपाल सातामा चारवटा चार्टर उडान भइरहे पनि ती विमानहरूले नेपालबाट यात्रु लान पाउने छैन्, त्यहाँबाट मात्र यात्रु लिएर फर्किने छन् । यूएई कोरोना खोप (भ्याक्सिन) अनिवार्य लगाएका यात्रुलाई मात्र प्रवेश अनुमति दिने घोषणा गरेको छ ।

    त्यहाँको स्वास्थ्य मन्त्रालयले अक्सफोर्ड–अस्ट्राजेनेका, फाइजर–बायोटेक, सिनोफार्म, स्पुतनिक–५ खोपलाई मात्र मान्यता दिएको छ । यूएईले भनेको यी खोपहरु अहिलेसम्म नेपाल सरकारले प्रयोगमा ल्याएको छैन् ।

    माथि उल्लेखित खोप नलगाएसम्म नेपाली कामदारले अहिले तत्काल प्रवेश पाउने छैनन् । यूएईमा विभिन्न क्षेत्रमा गरी करिब चार लाख नेपाली कामदार कार्यरत रहेको पाइन्छ ।

     

     

  • १३ असार २०७८, आईतवार प्रकाशित

  • Nabintech
    साताकाे चर्चित
    सम्बन्धित
    images