युद्ध इतिहासको विवरण राख्नेबारे भारतीय रक्षामन्त्रीद्धारा नयाँ नीति अनुमोदन
  • SNN Nepal

  • नयाँ दिल्ली । भारतीय रक्षामन्त्री राजनाथ सिंहले भारतको युद्ध इतिहास तथा सैन्य कारबाहीहरुको रेकर्ड समयबद्ध राख्न नयाँ नीति अनुमोदन गरेका छन् ।
    भारतीय सैन्य तथा रक्षा इतिहासको विवरणलाई समयबद्ध रेकर्ड राख्नेबारे रक्षामन्त्री सिंहले नयाँ नीति अनुमोदन गरेका हुन् । यो नीतिले भारतको सैन्य तथा रक्षा इतिहासमा तथ्य घटना, रिसर्चका लागि प्रामाणिक तथ्य सामाग्रीहरु प्रदान गर्ने र भ्रम अफवाहको प्रतिरोध गर्ने रक्षा मन्त्रालयको विज्ञप्तिमा उल्लेख छ । युद्ध तथा सैन्य कारबाहीहरुको अभिलेख, वर्गीकरण तथा संकलन को यो नीतिले रक्षा मन्त्रालयमा संयुक्त सचिवको अध्यक्षतामा समिति गठन गर्न अनुमोदन गर्दछ ।

    उक्त समितिमा सशस्त्र बलका प्रतिनीधि, परराष्ट्र मन्त्रालय, गृह मन्त्रालय र आवश्यक परे प्रमुख सैन्य इतिहासकारहरु रहने व्याबस्था गरेको छ । विभिन्न युद्ध तथा घटनाका बिषयमा भारतीय सेनाले असहज तथा विवादास्पद प्रश्न सामना गर्नुपरेको परिस्थितिमा रक्षा मन्त्रालयको यो कदम र नीति अत्यन्त महत्वपूर्ण मानिएको छ । सन् १९७१ मा भएको भारत पाकिस्तान युद्धमा एक भारतीय युद्धपोत डुबेको तथा सन् १९९९को कार्गिल युद्ध जस्ता विज्ञहरुले लेखेका विवादास्पद विवरणहरुबारे सेनाले असहज प्रश्नहरु सामना गर्नुपरेको छ ।

    यो नीतिले सन् १९६२ मा भारत चीन बीच भएको युद्धमा भारतको पराजयको कारणहरुबारे लेखिएको हेन्डरसन ब्रुक्स भगत रिपोर्टलाई वर्गीकरण गर्ने वा नगर्ने बारे भने स्पष्ट छैन । समितिले पहिलेका युद्ध तथा सैन्य कारबाहीहरुको समिक्षा गर्ने एक अधिकारीले नाम सार्वजनिक नगर्ने शर्तमा बताएका छन् ।

    स्रोत : हिन्दुस्तान टाईम्स

  • १५ असार २०७८, मंगलवार प्रकाशित

  • Nabintech
    साताकाे चर्चित
    सम्बन्धित
    images