मनाङका बाढी पिडितलाई युवा संघ नेपालको सहयोग
  • SNN Nepal

  • गण्डकी । नेकपा एमालेको भातृ संगठन राष्ट्रिय युवा संघ नेपालको पहलमा घरबारविहिन भएका मानङबासीलाई जस्तापाता र टेन्ट हस्तान्तरण गरिएको छ ।

    मनाङको सदरमुकाम चामे बजारका घर बगाएर अलपत्र परेका परिवारका लागि ३५ बण्डल जस्तापाता उपलब्ध गराइएको छ भने तालमा बाढी बगाएर स्वास्थ्य चौकीको भवन र सामुदायिक भवनमा बसेका १८ परिवारको लागि टेन्ट राहत दिइएको छ ।

    युवा संघ गण्डकीका अध्यक्ष महेन्द्र गुरुङले राहात सामाग्री जुटाएका हुन् । अध्यक्ष गुरुङका अनुसार कास्की जिल्ला कवाडी संघले ४ लाख ५० हजार रुपैयाको ३५ बण्डल जस्तापाता सहयोग गरेको थियो भने हिमाली मुटु नामक गैर सरकारी सस्थाले १८ थान टेन्ट उपलब्ध गराएको थियो । हिमाली मुटुले उपलब्ध गराएको टेन्ट एउटा परिवारलाई अति उपयोगी र प्रयाप्त हुने खालको रहेको सस्थाका अध्यक्ष डा.अवन गौतमले बताए ।

    जनताको दुखमा युवाहरुको साथ रहन्छ भन्ने सन्देश दिन र पीडितलाई आश्वासन होइन राहात आवश्यक छ भन्ने दवाव दिन युवा संघले पहल गरेको अध्यक्ष गुरुङले बताए । उनले युवा संघको मनाङ कमिटी बाढी पहिरो आएको दिनदेखि नै राहात र उद्दारमा खटिएको समेत बताए ।

    पोखरा कवाडी संघका अध्यक्ष केशवप्रसाद अधिकारीले सामाजिक उत्तरदायित्वको भावनाले युवा संघ मार्फत मनाङका पीडितलाई सहयोग गरेको बताए ।

    राहात सामाग्री लिएर निवर्तमान गृहमन्त्री खगराज अधिकारी, युवा संघ नेपालका पूर्व अध्यक्ष राजीव पहारी, युवा संघका केन्द्रीय उपाध्यक्ष सन्तोष रावल र गण्डकी अध्यक्ष महेन्द्र गुरुङ, हिमाली मुटुका अध्यक्ष डा.अवन गौतम, कवाडी संघका अध्यक्ष केशवप्रसाद अधिकारी लगायतको टोली मनाङ पुगेको थियो ।

    गण्डकी प्रदेश सभाका सदस्य समेत रहेका युवा संघका पूर्व अध्यक्ष राजीव पहारीले गण्डकी प्रदेश सरकारले मनाङलाई वेवास्ता गरेको आरोप लगाए । वाढी पहिरोको बहानामै १६–१७ करोड रुपैया रकमान्तर गर्दा पनि वास्तविक पीडितलाई राहात नदिइएको भन्दै उनले यसपटक मनाङबासीले प्रदेश सरकारको अनुभुति गर्नै नपाएको बताए ।

    ‘रकमान्तर गरेर त्यत्रो रकम कार्यकर्तालाई बाडिएको छ, बाढीपीडितको हालत यस्तो छ ।’ मनाङको स्थलगत भ्रमणपछि पहारीले समाधानसँग भने ।

  • २१ असार २०७८, सोमबार प्रकाशित

  • Nabintech
    साताकाे चर्चित
    सम्बन्धित
    images