अमेरिकाको दुई मेयरहरुले गरे डा.महावीर पुनलाई उच्चस्तरको सम्मान
  • SNN Nepal

  • काठमाडौँ। राष्ट्रिय आविष्कार केन्द्रका अध्यक्ष समेत रहेका नेपाली बैज्ञानिक डा. महावीर पुनलाई अमेरिकाको ओहायो राज्यका दुई शहरका मेयरहरुले उच्चस्तरको सम्मान प्रदान गरेका छन् ।

    डा. पुनले सामाजिक कार्यमा गर्दै आएको योगदानको कदर स्वरुप मेयरहरुले सम्मान गरेका हुन् ।

    डा.पुनको संघर्षमय जीवनको बारेमा समेत उल्लेख गर्दै ओहायो राज्यको पहिलो राजधानी शहर सिटी अफ चिलिकाथीका मेयर ल्युक एम फिनीले सम्मानपत्रमा लेखेका छन्, ‘म चिलिकाथी शहरको मेयर ल्युक एम फिनी डा.महाविर पुनका असाधारण उपलब्धीहरुले नेपाली समुदायमा गरेको उल्लेख्य कामले नेपालमा र अमेरिकामा समेत उत्प्रेरण जगाउने कार्य गरेकोले सम्मान व्यक्त गर्दछु ।’

    मेयर फिनीले डा.पुनलाई आफ्नै कार्यकक्षमा निम्तो गरी सो सम्मानपत्र हस्तान्तरण गरेको ओहायोको नेपाली समुदायमा सक्रिय योगदान दिँदै आएका डा.दामोदर पौडेलले जानकारी दिए ।

    त्यसैगरी ओहायोकै अर्को शहर सिटी अफ रेनोल्ड्स्वर्गका मेयर जो वेगिनीले सम्मान गर्दै लेखेका छन्, ‘म सिटी अफ रेनोल्ड्स्वर्गको मेयर जो वेगिनी डा. पुनले नेपाली नागरिकहरुको जीवनस्तर उकास्न अनवरतरुपमा प्रतिबद्धताका साथ गरेका कार्यको कार्यहरुको उच्च प्रसंसा गर्दै सम्मान गर्न चाहान्छु ।’

    आफ्नो सम्मानपत्रमा उनले डा.पुनका योगदानहरुको विवरणसमेत उल्लेख गरेका छन्।

     

     

  • २४ असार २०७८, बिहीबार प्रकाशित

  • Nabintech
    साताकाे चर्चित
    सम्बन्धित
    images