प्राचीन बौद्ध धर्मग्रन्थ देखाए १३ लाख ७९ हजार ठगी गर्ने दुई जना पक्राउ
  • SNN Nepal

  • काठमाडौँ । बौद्ध धर्मको प्राचीन पुरातात्विक बहुमुल्य ग्रन्थ देखाएर ठगी गरेको आरोपमा प्रहरीले दुई जनालाई पक्राउ गरेको छ।

    पुरातात्विक बौद्ध ग्रन्थ ३ करोड ८५ लाख रुपैयाँमा बिक्री गर्ने भनी बहाना बनाएर १३ लाख ७९ हजार रुपैयाँ ठगी गरेको आरोपमा महानगरीय अपराध महाशाखाको टोलीले दुई जनालाई पक्राउ गरेको हो।

    धर्म ग्रन्थका नाममा प्रलोभनमा पारी नगद ठगी गर्ने समूहको खोजतलास गर्ने क्रममा नुवाकोट शिवपुरी गाउँपालिका–१ घर भई काठमाडौं कलबारी बस्ने २० वर्षीय आशिष लामा तामाङ र भोजपुर रामप्रसाद गाउँपालिका–७ घर भई चाबहिल बस्ने ३० वर्षीय रजिन राईलाई पक्राउ गरिएको महाशाखाले जनाएको छ।

    उनीहरुले साउन १४ गते उदयपुर चौदण्डिगढी नगरपालिका–८ घर भई गोकर्णेश्वर नगरपालिका–८ आरुबारी बस्ने हेम प्रकाश मगरबाट उक्त रकम ठगी गरेको महाशाखाले जनाएको छ। उनीहरुलाई अनुसन्धान तथा कारबाहीको लागि महानगरीय प्रहरी परिसर टेकु पठाइएको महाशाखाले जनाएको छ।

  • २२ श्रावण २०७८, शुक्रबार प्रकाशित

  • Nabintech
    साताकाे चर्चित
    सम्बन्धित
    images