स्पेनिस ला लिगामा बार्सिलोना विजयी
  • SNN Nepal

  • काठमाडौँ- स्पेनिस ला लिगा फुटबलमा बार्सिलोना विजयी भएको छ ।

    आइतबार राति भएको खेलमा बार्सिलोनाले भ्यालेन्सियालाई ३-१ गोलले हराएको हो ।

    घरेलु मैदानमा एक गोलको अग्रता उल्टाएर बार्सिलोनाले पुनरागमन जित निकालेको हो ।

    खेलको पाँचौं मिनेटमा जोसे गयाले गोल गर्दै भ्यालेन्सियालाई अग्रता दिलाए पनि लामो समय टिक्न सकेन ।

    १३औँ मिनेटमा अन्सु फाती, ४१औँ मिनेटमा मेम्फिस डिपे र ८५औं मिनेटमा फिलिपे कौटिन्होले गोल गर्दै बार्सिलोनालाई ३-१ को जित दिलाए ।

    जितसँगै बार्सिलोना ८ खेलमा १५ अंकसहित सातौं स्थानमा छ । भ्यालेन्सिया १२ अंक जोडेर नवौं स्थानमा छ ।

  • १ कार्तिक २०७८, सोमबार प्रकाशित

  • Nabintech
    सम्बन्धित
    images