णु यादवको प्रश्न : बालुवाटार धाउने ठाकुर र महतोलाई कारवाही किन नगर्ने ?
  • SNN Nepal

  • काठमाडौ । जनता समाजवादी पार्टी नेपाल (जसपा) भित्र सत्ता समीकरणका लागि मत विभाजित भएपछि एक अर्काप्रति आरोप–प्रत्यारोपको क्रम सुरु भएको छ । यही क्रममा बरिष्ठ नेता राजेन्द्र महतोले अध्यक्ष उपेन्द्र यादवलाई कारवाही गर्ने चेतावनी समेत दिइसकेका छन् ।

    उता जसपाकी कार्यकारिणी सदस्य रेणु यादवले पार्टीमा देखिएका समस्या र कठिनाइलाई पार्टीको बैठकबाट समाधान गर्न आग्रह गरेकी छिन् । जसपाले अहिलेसम्म जे–जे गरेको छ, ती सबै पार्टीको निर्णयबाट नै गरेको दावी गर्दै उनले भनिन्, उहाँहरुले (महन्थ ठाकुर पक्ष) पार्टीको बैठक पनि बसाउन नमान्ने र पार्टीको बहुमतबाट भएको निर्णयलाई विरोध पनि गर्ने यो सुहाउँदो कुरा होइन ।’

    रातोपाटीसँग कुरा गर्दै यादवले अहिले पनि केही नबिग्रेको र पार्टीमा छलफल गरेर अगाडि बढ्दा हुने बताइन् । पार्टीका वरिष्ठ नेता जस्तो व्यक्तिले जसपा नेपालका अध्यक्ष उपेन्द्र यादवलाई कारवाही गर्ने अभिव्यक्ति दिनु गैरजिम्मेवारपूर्ण अभिव्यक्ति भएको टिप्पणी गरिन् । यादवले भनिन्, राजेन्द्र महतोले उपेन्द्र यादवलाई कारवाही गर्न सक्नु हुन्न, बरु महन्थ ठाकुर र राजेन्द्र महतोलाई कारवाही गर्नुपर्छ भन्ने हाम्रो माग हो ।’

    नेतृ यादवका अनुसार वैशाख २६ गते बसेको पदाधिकारी बैठकले पार्टी तटस्थ बस्ने निर्णय गरेको थिएन । प्रधानमन्त्री केपी शर्मा ओलीको विश्वास मतमा मतदान नगर्ने निर्णय गरेको थियो । यद्यपि सांसदले आफ्नो विवेक प्रयोग गर्न सक्ने निर्णय भएको थियो । तर, जसपाका अध्यक्ष ठाकुरले प्रतिनिधिसभाको बैठकमा जसपा नेपालले तटस्थ बस्ने निर्णय गरेको सुनाएका थिए । अध्यक्ष ठाकुरले पार्टीको निर्णय विपरीत बोलेका कारण उनलाई कारवाही हुनुपर्ने रेणुले बताइन् ।

  • २८ बैशाख २०७८, मंगलवार प्रकाशित

  • Nabintech
    साताकाे चर्चित
    सम्बन्धित
    images