प्रहरीद्वारा थप ६ सय ७० वटा अक्सिजन सिलिन्डर संकलन
  • SNN Nepal

  • काठमाडौं । नेपाल प्रहरीले देशभरबाट पछिल्लो २४ घण्टामा ६ सय ७० जान अक्सिजन सिलिन्डर संकलन गरेको छ । संकलित सिलिन्डरमध्ये ३ सय ९१ वटा भरिएका सिलिन्डर संकलन गरिएको प्रहरी प्रधान कार्यालयले जनाएको छ ।

    खाली संकलन गरिएका २ सय ७९ सिलिन्डर भर्नका लागी अक्सिजन प्लान्टमा पठाइएको छ । कोभिड–१९ जिल्ला संकल व्यवस्थापन केन्द्रसँगको समन्वयमा प्रहरीले कोरोनाका विरामीको उपचार भइरहेको अस्पताललाई ति अक्सिजन सिलिन्डर उपलब्ध गराएको छ ।

    काठमाडौं उपत्यकाबाट संकलित सिलिन्डर स्वास्थ्य मन्त्रालयमा केन्द्रित गरिएको महानगरीय प्रहरी परिसर काठमाडौंका एसपी रमेश बस्नेतले  बताए ।

    मंगलबार संकलन गरिएका मध्ये १ सय ७३ थान सिलिन्डर बाँकी रहेको प्रहरी प्रधान कार्यालयले जनाएको छ । कोरोना भाइरस संक्रमितको उपचारका लागी प्रहरीले उद्योग, कलकारखाना, वर्कशप, वेल्डिङ पसल र व्यक्तिका घरमा रहेको सिलिन्डर संकलन गरिरहेको छ ।

  • २८ बैशाख २०७८, मंगलवार प्रकाशित

  • Nabintech
    साताकाे चर्चित
    सम्बन्धित
    images