सङ्कटका बेला भ्रमको खेती नगर्नुहोस : उपप्रधानमन्त्री पोखरेल
  • SNN Nepal

  • काठमाडौं । उपप्रधानमन्त्री ईश्वर पोखरेलले सङ्कटका बेला भ्रमको खेती नगर्न आग्रह गरेका छन ।

    निजी क्षेत्रका उद्योगी र अस्पतालका प्रतिनिधिसँगको छलफलमा उप-प्रधानमन्त्री पोखरेलले अनावश्यक भ्रमबाट सचेत रहन आग्रह गरेका हुन ।

    कोभिड–१९ संकट व्यवस्थापन केन्द्र (सिसिएमसी)का संयोजक समेत रहेका उपप्रधानमन्त्री पोखरेलले भने : ‘महामारीसँग जुध्न राज्यका तर्फबाट सबै प्रयत्न गरिन्छ, हामी सबै मिलेर यो समस्याको समाधान गर्नुपर्छ, अनावश्यक भ्रमबाट सचेत हुनुपर्छ ।’

    नेपाल उद्योग बाणिज्य महासङ्घ, नेपाल चेम्बर्स अफ कमर्स, नेपाल उद्योग परिसङ्घ, ग्यास उत्पादक र निजी क्षेत्रका अस्पतालका प्रतिनिधिसँग भएको छलफलमा अक्सिजन उद्योगलाई पूर्ण क्षमतामा कसरी संचालन गर्ने, अक्सिजन वितरण प्रणालीलाई कसरी चुस्त बनाउने लगायतका विषयमा विमर्श भएको थियो ।

    काठमाडौँ उपत्यका र काभ्रेमा गरी अहिले नौ वटा अक्सिजन उद्योगहरु सञ्चालित छन् । दैनिक १५ हजार सिलिण्डर भन्दा बढी माग भए पनि ती उद्योगबाट हाल सात हजार २ सय सिलिण्डर उत्पादन हुने गरेको छ ।

  • २९ बैशाख २०७८, बुधबार प्रकाशित

  • Nabintech
    सम्बन्धित
    images