बेइजिङबाट अक्सिजन ल्याउन दैनिक उडान भर्ने निगमको तयारी
  • SNN Nepal

  • काठमाडौं । नेपाल वायुसेवा निगमले केही समयपछि हरेक दिन ५५० थान अक्सिजन सिलिण्डर ल्याउन आफ्नो ए ३३० कलसाइनको जहाजलाई बेइजिङ पठाउने भएको छ । निगमको जहाजले विभिन्न देशमा पुगेर अक्सिजन सिलिण्डर लगायतका अत्यावश्यक मेडिकल सामाग्रीहरु ल्याइरहेको छ ।

     

    ओमानमा गैरआवासीय नेपाली संघ र नेपाली दूतावासको सहकार्यमा जम्मा गरिएका करीव ६ सय थान अक्सिजन सिलिण्डर लिन आगामी शनिवार नेपाल एयरलाइन्सको जहाज मस्कट जाने प्रयास भइरहेको प्रबन्धक निर्देशक डिमप्रकाश पौडेलले बताएका छन् ।

    मस्कटबाट फर्केर सोही साँझ बेइजिङमा संकलित करीव ४ सय थान अक्सिजन कन्सर्नटेटर, ४ सय थान सिलिण्डर र अन्य मेडिकल सामाग्री लिन जाने तयारी भइरहेको पौडेलले बताए ।

    पौडेले भनेका छन्– त्यसपछि हरेक दिन ५५० थान सिलिण्डर उत्पादन हुने भएकाले हरेक दिननै ए ३३० बिमान बेइजिङ पठाउने छौं । अन्यत्र उपलब्ध हुन सक्ने सामानहरु ल्याउन निगमका सबै जहाजहरु तयारी अवस्थामा राखिएको छ ।

    पौडेलले नेपाल सरकारका सम्बद्ध सबै निकायहरुको अहोरात्र सक्रियतामा आगामी दुई साताभित्र अक्सिजन समस्या समाधान हुने बताएका छन् ।

  • ३० बैशाख २०७८, बिहीबार प्रकाशित

  • Nabintech
    सम्बन्धित
    images