प्रधानमन्त्री ओलीद्वारा गोदावरीमा निर्मित सम्मेलन केन्द्रको उदघाटन आज
  • SNN Nepal

  • काठमाडौँ । ललितपुरको गोदावरीमा निर्मित सम्मेलन केन्द्रको आज उदघाटन गरिंदै छ ।

    प्रधानमन्त्री केपी शर्मा ओलीले बालुवाटारस्थित निवासबाट भर्चुअल रुपमा सम्मेलन केन्द्र उदघाटन गर्न लाग्नुभएको हो । शहरी विकास मन्त्रालयका सचिव डा। रमेश प्रसाद सिंहका अनुसार प्रधानमन्त्री ओलीले बिहान ११ बजे सम्मेलन केन्द्र उदघाटन गर्ने तयारी रहेको छ । यो सम्मेलन केन्द्र ३ हजार सिट क्षमताको छ । ४३ रोपनी १५ आनामा बनेको यो सम्मेलन केन्द्रलाई ‘गोदावरी सनराइज’ नाम दिइएको छ ।

    शहरी विकास मन्त्रालयका अनुसार २०७६ कार्तिकमा ५ महिनामा सक्ने गरी सम्मेलन केन्द्र निर्माणको काम थालिएको थियो । सुरुमा ६२ करोड लागतमा ठेक्का लागे पनि यो निर्माणमा ८१ करोड खर्च भइसकेको स्रोतले जनायो । केसी–समानान्तर जेभीले ठेक्का पाएको यो सभाहल बनाउन २ पटक म्याद थप भएको थियो ।

  • ३१ बैशाख २०७८, शुक्रबार प्रकाशित

  • Nabintech
    सम्बन्धित
    images